नाशिक । झुंजार न्यूज
३ जानेवारी २०२५: प्रियदर्शनी इंटरनॅशनल स्कूलने वार्षिक क्रीडा दिन मोठ्या उत्साहाने आणि जल्लोषात साजरा केला. या कार्यक्रमाचे प्रमुख अतिथी आंतरराष्ट्रीय रग्बीपटू मा. उज्वला घुगे होत्या. त्याचबरोबर प्रियांदर्शनी फाउंडेशनच्या सीईओ मा. स्नेहल शेकदार, एसडीएमसी अध्यक्ष मा. भगवान डोळस, शाळेच्या प्राचार्या डॉ. पराग अग्रवाल आणि प्रशासकीय प्रमुख श्री. गोवर्धन जाधव यांनीही या प्रसंगी आपली उपस्थिती दर्शवली.
.
कार्यक्रम यशस्वी करण्यासाठी सचिव मा. शरयू देशमुख आणि अध्यक्ष मा. रणजीतसिंह देशमुख यांचे महत्वाचे मार्गदर्शन लाभले व विद्यार्थी गुणास वाव देण्यासाठी त्यांचे प्रयत्न प्रशंसनीय आहे.
सकाळी टॉर्च रनने दिवसाची सुरुवात झाली, जी क्रीडास्पर्धेतील एकतेचे प्रतीक होती. त्यानंतर विविध हाऊसच्या विद्यार्थ्यांनी एकात्मता आणि शिस्त दाखवत भव्य मार्च पास्ट सादर केला.
विद्यार्थ्यांनी केलेली एमसीएफ रायफल ड्रिल, पारंपरिक मलखांब, आणि रोप मलखांबची कामगिरी प्रेक्षकांना मंत्रमुग्ध करणारी ठरली. या सर्व सादरीकरणांमध्ये MCF प्रशिक्षणप्रमुख श्री. सोमनाथ पगार आणि त्यांच्या टीमचे मेहनती मार्गदर्शन दिसून आले.
झुंबा आणि लयबद्ध ताली योगाने कार्यक्रमाला नवा जोश दिला. फाउंडेशन स्टेज क्रीडा शिक्षिका मा. रोहिणी खैरनार यांच्या मार्गदर्शनाने या सादरीकरणात उत्साह आणि लयबद्धता दिसली.
प्रमुख क्रीडा शिक्षक श्री. अनिल गोडसे यांच्या नियोजनाखाली विद्यार्थ्यांनी क्रीडा आणि ऍथलेटिक स्पर्धांमध्ये जिद्दीने भाग घेतला. विजेत्या विद्यार्थ्यांचा गौरव पदके आणि प्रमाणपत्र देऊन करण्यात आला. तसेच, उत्कृष्ट कामगिरीसाठी बेस्ट हाऊस इन स्पोर्ट्स करंडक प्रदान करण्यात आला.
पालकांसाठी आयोजित करण्यात आलेल्या मनोरंजक खेळांनी हास्य आणि एकतेचे क्षण निर्माण केले. शाळेच्या प्राचार्या डॉ. पाराग अग्रवाल यांनी शाळेच्या यशाचा आढावा घेत वार्षिक अहवाल सादर केला.
शिक्षकवर्ग आणि शिक्षकेतर कर्मचाऱ्यांच्या मेहनतीमुळे कार्यक्रम अत्यंत यशस्वी ठरला. प्रशासकीय प्रमुख श्री. गोवर्धन जाधव यांनी कार्यक्रमाच्या समन्वयासाठी मोलाचे योगदान दिले.
वार्षिक क्रीडा दिन २०२५ हा एक संस्मरणीय दिवस ठरला, ज्यामुळे विद्यार्थी, पालक, आणि शिक्षक सगळेच प्रेरित झाले आणि भविष्यातील कार्यक्रमांसाठी उत्सुक राहिले.