अमेठीचे खासदार के.एल.शर्मा यांची अमृत उद्योग समूहास भेट
संगमनेर । झुंजार न्यूज
संगमनेर तालुका व अमृत उद्योग समूहाच्या वतीने आमदार बाळासाहेब थोरात यांनी त्यांचे स्वागत केले. यावेळी समवेत मा.आ.डॉ.सुधीर तांबे.सौ.दुर्गाताई तांबे,युवक काँग्रेसच्या अध्यक्षा डॉक्टर जयश्रीताई थोरात सौ.किरण शर्मा,अंजली शर्मा, डॉ.नामदेवराव गुंजाळ, धीरूभाई ठाकूर आदी उपस्थित होते.
यावेळी खा. शर्मा यांनी सहकारासाठी दिशादर्शक ठरलेल्या संगमनेरचा सहकारमहर्षी भाऊसाहेब थोरात सहकारी साखर कारखाना, राजहंस दूध संघ, अमृतवाहिनी कॉलेज, अमृतवाहिनी बँक, डेंटल कॉलेज, शेतकी संघ, यशोधन या संपर्क कार्यालयास भेट देऊन आमदार बाळासाहेब थोरात यांची यंत्रणा व विकास कामाच्या बाबत माहिती घेतली.
याप्रसंगी बोलताना खासदार शर्मा म्हणाले की, आमदार बाळासाहेब थोरात हे काँग्रेस मधील महाराष्ट्रातील मोठे नेते असून थोरात घराणे हे काँग्रेसचे निष्ठावंत आहे. सहकारातून उभा केलेला ग्रामीण विकासाचा हा पॅटर्न संपूर्ण देशासाठी दिशादर्शक असून उत्तर प्रदेशात व विशेषता अमेठी मध्येही आपण राबवणार आहोत. एकनिष्ठता व विकासाची दूरदृष्टी असलेले आमदार बाळासाहेब थोरात यांचे स्थान दिल्लीमधील नेत्यांच्या हृदयात आहे.
यावेळी आमदार थोरात म्हणाले की, संपूर्ण देशाचे लक्ष लागून असलेल्या अमेठी मतदारसंघातून खासदार शर्मा यांनी मोठ्या मताधिक्याने विजय मिळवला आहे. खासदार शर्मा हे राजीव गांधी सोनियाजी व खा.राहुल गांधी, प्रियंकाजी गांधी यांचे अत्यंत विश्वासू असून त्यांनी काँग्रेससाठी मोठे योगदान दिले असल्याचे ते म्हणाले.
यावेळी खासदार शर्मा व उत्तर प्रदेशातील विविध पदाधिकाऱ्यांनी सर्व संस्थांना भेटी दिल्या.