कोपरगाव । झुंजार न्यूज
कोपरगांव तालुक्यातील राजकीय दुष्टया महत्वाच्या समजल्या जाणाऱ्या मंजुर हंडेवाडी सोसायटीचे संचालक कै. संजय तुकाराम कोकाटे हे मयत झाल्यामुळे त्यांची जागा रिक्त झाल्याने या जागेवर केशवराव रघुनाथ कोकाटे यांची संचालकपदी बिनविरोध निवड करण्यात आली.
त्यांच्या नावाची सुचना भास्करराव श्रीपतराव तिरसे यांनी मांडली त्यास शिवाजीराव कारभारी घुमरे यांनी अनुमोदन दिले. निवडणुक निर्णय अधिकारी म्हणुन कोपरगाव तालुक्याचे सहाय्यक निबंधक श्री एन.जी. ठोंबळ व आर एन रहाणे हे उपस्थीत होते.
या प्रसंगी संस्थेचे संचालक राधाकृष्ण गवळी, संभाजीराव गावंड, रामनाथ भोसले, किसनराव भोसले, माधवराव गोसावी, साहेबराव तिरसे, एकनाथ गायखे, चंद्रकांत पगारे, यशोदाबाई बबनराव घुमरे, शितल गणेश पायमोडे, उत्तम पायमोडे, हंडेवाडी कृषी फलोदयान संस्थेचे अध्यक्ष मधुकर कोकाटे आदी उपस्थीत होते. संस्थेचे सचिव अण्णासाहेब निकम यांनी सुत्रसंचालन करून आभार मानले.
सदर निवडीबाबत संजिवनी उद्योग समूह अध्यक्ष बिपिनदादा कोल्हे, माजी आमदार सौ स्नेहलता कोल्हे व जिल्हा बँकेचे संचालक व युवा नेते विवेक कोल्हे यांनी अभिनंदन केले.