संगमनेर । झुंजार न्यूज

माजी महसूल व कृषिमंत्री बाळासाहेब थोरात यांच्या मार्गदर्शनाखाली सहकार क्षेत्रातील राज्यात अग्रगण्य असणाऱ्या संगमनेर तालुका सहकारी दूध उत्पादक संघाच्या संचालक पदी खांडगाव येथील युवक कार्यकर्ते रमेश लहान भाऊ गुंजाळ यांची बिनविरोध निवड झाली आहे.

राजहंस दूध संघ येथे काँग्रेसचे मा.प्रदेशाध्यक्ष बाळासाहेब थोरात यांच्या प्रमुख उपस्थितीत आणि चेअरमन रणजीतसिंह देशमुख यांच्या अध्यक्षतेखाली ही बैठक झाली. यावेळी चेअरमन रणजितसिंह देशमुख,व्हा.चेअरमन राजेंद्र चकोर, ज्येष्ठ संचालक लक्ष्मणराव कुटे, युवक काँग्रेस अध्यक्ष डॉ.जयश्रीताई थोरात, विलासराव वर्पे, संतोष मांडेकर,विलास कवडे, विक्रम थोरात, भारत शेठ मुंगसे, विष्णू ढोले, संजय पोकळे,आर.बी.राहणे,भास्करराव सिनारे,बादशहा वाळुंज, बबन कुऱ्हाडे, तुकाराम दातीर,रवींद्र रोहम,डॉ.प्रमोद पावसे,प्रतिभा जोंधळे,मंदा नवले,कार्यकारी संचालक डॉ.सुजित खिलारी आदींसह विविध पदाधिकारी उपस्थित होते.

रमेश गुंजाळ हे माजीमंत्री बाळासाहेब थोरात, मा.आ.डॉ.सुधीर तांबे,आमदार सत्यजित तांबे यांच्या मार्गदर्शनाखाली सातत्याने युवक संघटनेचे काम करत आहे. सहकारमहर्षी भाऊसाहेब थोरात सहकारी साखर कारखान्याचे संचालक म्हणून त्यांनी दहा वर्ष यशस्वीपणे काम केले आहे. मोठा जनसंपर्क, विनम्र स्वभाव याचबरोबर प्रगतशील शेतकरी म्हणून त्यांनी तालुक्यामध्ये मोठा लौकिक मिळवला आहे. त्यांची राजहंस दूध संघाच्या संचालक पदी एकमताने निवड करण्यात आली आहे.

याप्रसंगी बोलताना मा.मंत्री थोरात म्हणाले की, संगमनेर तालुक्यात दररोज नऊ लाख लिटर दूध उत्पादन होत असून त्यामधून शेतकऱ्यांच्या जीवनामध्ये मोठी आर्थिक समृद्धी निर्माण झाली आहे. दूध हा तालुक्याचा मुख्य व्यवसाय झाला आहे. दूध व ऊस हे शाश्वत उत्पन्न असून संगमनेर तालुका दूध संघाने सातत्याने शेतकऱ्यांच्या जीवनामध्ये आनंद निर्माण केला आहे. दुग्ध वाढीसाठी विविध योजना राबवले असून सर्व संचालक मंडळ कार्यक्षमपणे काम करत असून रमेश गुंजाळ हे तरुण उत्साही कार्यकर्ते असून त्यांच्या अनुभवाचा फायदा नक्की होईल असे ते म्हणाले.

तर रमेश गुंजाळ म्हणाले की, माजी मंत्री बाळासाहेब थोरात यांच्या मार्गदर्शनाखाली आपण कायम एकनिष्ठतेने समाज विकासाचे काम केले असून यापुढील काळात राजहंस दूध संघाच्या माध्यमातून दूध वाढ व सहकारातून शेतकरी व गोरगरिबांच्या जीवनामध्ये आनंद निर्माण करण्यासाठी सातत्याने काम करू असे ते म्हणाले.

रमेश गुंजाळ यांच्या या निवडीबद्दल काँग्रेस नेते बाळासाहेब थोरात, मा.आ.डॉ.सुधीर तांबे, आमदार सत्यजित तांबे, सौ.दुर्गाताई तांबे, इंद्रजीत भाऊ थोरात, डॉ.जयश्रीताई थोरात, अजय फटांगरे, सोमेश्वर दिवटे, रणजितसिंह देशमुख, सुधाकर जोशी, संपतराव डोंगरे, लहानभाऊ गुंजाळ, आर.बी. रहाणे, पांडुरंग पाटील घुले, शंकरराव पा.खेमनर आदी सह अमृत उद्योग समूहातील विविध पदाधिकाऱ्यांनी व तरुण कार्यकर्त्यांनी अभिनंदन केले आहे.