सौ. वाडिले यांनी आपल्या तक्रारीत पुढे म्हटले आहे की, शिंदे शिवसेनेच्या स्थापनेपासून मी आणि माझ्या पतीने पक्षाच्या वाढीसाठी अहोरात्र प्रयत्न केले आहेत. शिंदे शिवसेना अडचणीत असताना पक्षासमोर येणाऱ्या प्रत्येक समस्यांना आम्ही तोंड देत त्या सोडवल्या आहेत. आगामी नगरपालिका निवडणुकीतील उमेदवारीबाबत झालेल्या मुलाखतीदरम्यान माझ्या प्रभाग क्रमांक चारमधून फक्त माझीच मुलाखत झाली होती. त्यावेळी त्या प्रभागातून इतर कोणीही मुलाखत देण्यासाठी पुढे आले नव्हते. त्यानंतर वरिष्ठांनी माझ्या उमेदवारीला अनुकूलता दर्शवली होती आणि तयारी करण्यासही सांगितले होते. त्यानुसार मी सर्व प्रकारचे ना हरकत दाखले मिळवले होते.