केंद्रीय नेत्यांशी विविध विषयांवर चर्चा

या दौऱ्यात ना. विखे पाटील यांनी भाजपचे राष्ट्रीय महामंत्री विनोद तावडे यांचीही भेट घेतली. तसेच माजी केंद्रीय मंत्री प्रकाश जावडेकर व अन्य केंद्रीय पदाधिकाऱ्यांशी संवाद साधला. सध्या संसदेचे अधिवेशन सुरू असल्याने विखे पाटील यांनी केंद्रीय संरक्षण मंत्री राजनाथसिंह, केंद्रीय मंत्री जे.पी. नड्डा आणि केंद्रीय जलशक्ती मंत्री सी.आर. पाटील यांची भेट घेऊन केंद्र सरकारच्या अखत्यारीत येणाऱ्या राज्याच्या विविध प्रश्नांवर चर्चा केली.

राज्यातील सिंचन प्रकल्पांच्या कामांना गती देण्यासाठी केंद्र सरकारचे आर्थिक आणि तांत्रिक पाठबळ मिळावे, अशी विनंती विखे पाटील यांनी केंद्रीय जलशक्ती मंत्री सी.आर. पाटील यांना केली. मुख्यमंत्री देवेंद्र फडणवीस यांच्या नेतृत्वाखाली राज्य सरकार सिंचन क्षेत्रासाठी घेत असलेल्या धोरणात्मक निर्णयांची माहितीही त्यांनी यावेळी दिली. यावर सकारात्मक प्रतिसाद देत केंद्राकडून पूर्ण सहकार्य करण्याचे आश्वासन केंद्रीय मंत्र्यांनी दिले आहे.