संगमनेरमध्ये बँक कर्मचारी व अधिकारी एकजुटीने संपात सहभागी होणार

संगमनेर । झुंझार न्यूज

बँकिंग क्षेत्रात ५ दिवसीय कार्यपद्धती (Five Day Banking) तातडीने लागू करावी, या प्रमुख मागणीसाठी United Forum of Bank Unions (UFBU) च्या वतीने शुक्रवार, ११ सप्टेंबर २०२६ रोजी देशव्यापी बँक संप पुकारण्यात आला आहे. संगमनेर परिसरातील बँक कर्मचारी व अधिकारी या संपात मोठ्या संख्येने सहभागी होणार आहेत.

UFBUमध्ये AIBEA, AIBOC, NCBE, AIBOA, BEFI, INBEF आणि INBOC या सात प्रमुख बँक कर्मचारी व अधिकारी संघटनांचा समावेश आहे.

५ दिवसीय बँकिंग हा कर्मचाऱ्यांचा हक्काचा व न्याय्य प्रश्न

बँकिंग क्षेत्रातील कर्मचाऱ्यांसाठी ५ दिवसीय बँकिंगची मागणी नवीन नसून, मार्च २०२४ मध्ये झालेल्या 12th Bipartite Settlement / 9th Joint Note मध्ये या मागणीवर सहमती झाली होती आणि ती सरकारच्या मंजुरीसाठी पाठवण्यात आली होती. मात्र तब्बल अडीच वर्षांचा कालावधी उलटूनही या मागणीवर अंतिम निर्णय झालेला नाही.

आजच्या आधुनिक डिजिटल युगात UPI, Internet Banking, Mobile Banking, ATM आणि इतर डिजिटल माध्यमांमुळे ग्राहकांना २४x७ बँकिंग सुविधा उपलब्ध आहेत. त्यामुळे शाखा कर्मचाऱ्यांसाठी ५ दिवसीय कार्यपद्धती लागू करणे ही काळाची गरज आहे.

कर्मचाऱ्यांचे आरोग्य आणि Work-Life Balance महत्त्वाचे

बँक कर्मचाऱ्यांवर वाढता कामाचा ताण, अपुरे मनुष्यबळ, वाढती ग्राहकसंख्या, विविध सरकारी योजनांची अंमलबजावणी, डिजिटल कामकाज आणि सातत्याने वाढणाऱ्या जबाबदाऱ्या यामुळे मोठा मानसिक व शारीरिक ताण निर्माण झाला आहे.

दोन दिवसांची साप्ताहिक सुट्टी मिळाल्यामुळे कर्मचाऱ्यांना आपल्या कुटुंबासाठी, आरोग्यासाठी आणि वैयक्तिक जीवनासाठी पुरेसा वेळ मिळेल. त्यातून कर्मचाऱ्यांची कार्यक्षमता व उत्पादकता वाढण्यासही मदत होईल.

५ दिवसीय बँकिंगमुळे ग्राहकांचे नुकसान होणार नाही

५ दिवसीय बँकिंग म्हणजे ग्राहकांना बँकिंग सेवा बंद करणे नव्हे. डिजिटल बँकिंगच्या माध्यमातून आज अनेक सेवा २४ तास आणि सातही दिवस उपलब्ध आहेत.

त्यामुळे आधुनिक डिजिटल बँकिंग व्यवस्थेचा अधिक प्रभावी वापर करून ग्राहकांना जलद, सुरक्षित आणि अखंडित सेवा देतानाच बँक कर्मचाऱ्यांना ५ दिवसीय कार्यपद्धती देणे शक्य आहे.

ग्राहकांना सहकार्य करण्याचे आवाहन

संगमनेर युनिटच्या वतीने सर्व बँक ग्राहकांना आवाहन करण्यात येते की, ११ सप्टेंबर रोजी संपामुळे शाखेतील नियमित बँकिंग व्यवहारांवर परिणाम होण्याची शक्यता असल्याने आवश्यक व्यवहार शक्यतो संपापूर्वी पूर्ण करावेत. ग्राहकांनी आवश्यकतेनुसार UPI, Internet Banking, Mobile Banking आणि ATM सारख्या डिजिटल सुविधांचा वापर करावा.

हा संप ग्राहकांविरोधात नसून बँक कर्मचाऱ्यांच्या न्याय्य हक्कांसाठी आणि आधुनिक, कार्यक्षम व कर्मचारी-केंद्रित बँकिंग व्यवस्थेसाठीचा संघर्ष आहे.

आमच्या प्रमुख मागण्या

✔ बँकिंग क्षेत्रात तातडीने ५ दिवसीय कार्यपद्धती लागू करा.
✔ मार्च २०२४ मध्ये मान्य झालेल्या ५ Days Banking प्रस्तावाला तातडीने मंजुरी द्या.

“पाच दिवस काम – दोन दिवस विश्रांती,
कर्मचाऱ्यांचे आरोग्य, कुटुंब आणि ग्राहकसेवा यासाठी आवश्यक क्रांती!”

— संगमनेर युनिट

United Forum of Bank Unions (UFBU)
ठिकाण-SBI जाणता राजा Branch
जाणता राजा मार्ग. Sangamner.