दाढ खुर्द मध्ये तीन पिंजरे लावूनही ३६ तासात बिबट्याचा एकाचं ठिकाणी दुसऱ्यांदा हल्ला ! परिसर बिबट्याच्या विळख्यात

याबाबत अधिक माहिती अशी की, मागील काही दिवसांपासून दाढ खुर्द शिवारात बिबट्याने धुडगूस घालत मोठी दहशत निर्माण केली असून एका महीन्यात आठ ते नऊ व्यक्तीवर या बिबट्याने हल्ला केला आहे. शुक्रवारची घटना ताजी असताना शनिवारी सायंकाळी ८ वाजेच्या सुमारास त्याच ठिकाणाहून दुचाकीवरून प्रवास करताना पाच जणावर बिबट्याने पुन्हा हल्ला करत जखमी केले. यामध्ये दाढ बुद्रुक येथील दिगंबर कारभारी थोरात व त्याचा मुलगा तसेच मारुती नांगरे व त्याची पत्नी, शिवाजी सोमनाथ गिते व त्याचे वडील सोमनाथ गिते याचा समावेश असून हे सर्वजण दुचाकीवरून चालले होते.

त्यामुळे आक्रमक झालेल्या दाढ खुर्द ग्रामस्थांनी आता या बिबट्याचा बंदोबस्त करा अशी आक्रमक मागणी वनविभागाकडे होत असून सरपंच सतिश जोशी व ग्रामस्थांनी तातडीने घटनास्थळी धाव घेत जखमींना मदत करत स्थानिक नागरिकांच्या मदतीने या जखमींवर दाढ बुद्रुक येथील आरोग्य केंद्रात प्राथमिक उपचार करुन पुढील उपचारासाठी रुग्णवाहिकेने नगर येथील शासकीय रुग्णालयात पाठविण्यात आले असल्याची माहिती दिली .