पँथर चळवळीतील एक निष्ठावान चेहरा

एकनाथ भिंगारदिवे यांनी आपल्या बालपणापासूनच आंबेडकरी चळवळीत स्वतःला पूर्णपणे झोकून दिले होते. यातूनच त्यांची रामदास आठवले यांच्याशी जवळीक निर्माण झाली. समाजाच्या न्याय हक्कांसाठी त्यांनी पँथर चळवळीत हिरीरीने काम केले आणि लोकांना व समाजाला न्याय मिळवून देण्यासाठी अथक प्रयत्न केले.

अहमदनगर जिल्ह्यातील भिंगार येथील रहिवासी असलेले एकनाथ भिंगारदिवे यांचे नगर शहर आणि जिल्ह्यात पँथर चळवळ तसेच रिपब्लिकन पक्ष वाढविण्यात मोठे योगदान होते. त्यांच्या निधनाने आंबेडकरी चळवळीची आणि पँथर चळवळीची मोठी हानी झाली आहे.

श्रद्धांजली सभेचे ठिकाण:

वृंदावन मंगल कार्यालय, नागरदेवळे रोड, भिंगार.

समस्त आंबेडकरी चळवळीतील कार्यकर्ते आणि भिंगारदिवे यांच्या स्नेहीजनांनी या सभेला उपस्थित राहून दिवंगत आत्म्यास आदरांजली वाहावी, असे आवाहन आयोजकांनी केले आहे.