केरळ । झुंझार न्यूज

महाराष्ट्र काँग्रेसचे प्रभारी तथा केरळमधील काँग्रेसचे ज्येष्ठ नेते श्री. रमेश चेन्निथला यांच्या मातोश्री देवकी अम्मा यांचे काही दिवसांपूर्वी दुःखद निधन झाले. या दुःखद प्रसंगात चेन्निथला कुटुंबाला सांत्वन देण्यासाठी, काँग्रेस पक्षाचे ज्येष्ठ नेते बाळासाहेब थोरात यांनी केरळ येथील त्यांच्या निवासस्थानी भेट दिली. थोरात यांनी चेन्निथला यांचे सांत्वन केले आणि देवकी अम्मा यांना श्रद्धांजली अर्पण केली.

यावेळी बाळासाहेब थोरात यांच्यासोबत विधानपरिषद गटनेते सतेज ऊर्फ बंटी पाटील, आमदार विश्वजीत कदम, माजी आमदार मोहनदादा जोशी, युवक काँग्रेस प्रदेशाध्यक्ष शिवराज मोरे आणि इतर प्रमुख नेते उपस्थित होते. सर्वांनी रमेश चेन्निथला आणि त्यांच्या कुटुंबियांबद्दल सहानुभूती व्यक्त करत देवकी अम्मा यांच्या आत्म्याला शांती लाभो अशी प्रार्थना केली.

हा प्रसंग काँग्रेस पक्षातील एकजूट आणि नेत्यांमधील सलोखा दर्शवणारा होता, जिथे दुःखद प्रसंगी सर्वजण एकत्र येऊन कुटुंबाला आधार देतात.