सामाजिक दायित्वातून आपल्या माणसासाठी , आपल्या गावासाठी नि:स्वार्थी काम करणार्‍याचा सन्मान म्हणजे पुरस्कार : अभिनेत्री अलका कुंबल ( आठल्ये )

संरपच सेवा संघ हे राज्य करत असलेल्या कामाचे कौतुक !                                                                                                         नगर : झुंजार न्यूज                     सामाजिक दायित्वातून आपल्या माणसासाठी , आपल्या गावासाठी नि:स्वार्थी काम करणार्‍याचा पुरस्कार रुपी सन्मान करणे म्हणजे भविष्यात त्याच्या हातून अजून चांगले काम व्हावे याकरिता प्रोत्साहीत करण्याचे काम संरपच सेवा संघ हे राज्य करत असल्याचे कौतुक अभिनेत्री श्रीमती अलका कुंबल ( आठल्ये ) यांनी केले .                                                        संरपच सेवा संघाच्या माध्यमातून नगर येथे महीला दिनानिमित्ताने विविध क्षेत्रातील कर्तृत्ववान व्यक्तीना पुरस्कार सोहळा प्रसंगी श्रीमती अलका कुंबल बोलत होत्या . यावेळी संगमनेर तालुक्यातील पानोडी गावांच्या संरपच गणपत येसू हजारे यांना आदर्श संरपच म्हणून पुरस्कार देण्यात आला                                                  गणपत हजारे यांनी आपल्या सामाजिक दायित्वातून लोकांना विकासाच्या माध्यमातून जोडण्याचा प्रयत्न केला असून ग्रामपचायतीच्या माध्यमातून शासनाकडून येणाऱ्या विविध उपक्रम राबवित असल्याने आपले गांव एक उत्कृष्ट आदर्श बनविण्याचा त्यांचा प्रयत्न आहे . पुरस्कार देताना श्रीमती अलका कुंबळ यांनी कौतुकांची थाप टाकत भविष्याच्या कार्यासाठी शुभेंच्छा दिल्या .                                                                                                                        यावेळी संरपच सेवा संघाचे बाबासाहेब पावसे , सौ सुजाता पावसे , माजी उपसंरपच विनायकराव थोरात , सोसायटी चेअरमन बबनराव कराड , मेजर छबू हजारे , बाळासाहेब सानप , ग्रामसेवक सुभाष ब्राहमणे , भास्कर सुळ आदी उपस्थित होते .