4 कोटी 9 लाख 39 हजार 627 रुपये देणगी प्राप्त ! Shirdi : Zunjhar News
श्री साईबाबा संस्थानच्यावतीने बुधवार दि. 29 मार्च ते शुक्रवार 31 मार्च 2023 याकालावधीत साजरा करण्यात आलेल्या श्री रामनवमी उत्सवात सुमारे 2 लाख साईभक्तांनी श्री साईबाबांच्या समाधीचे दर्शन घेतले असल्याची माहिती संस्थानचे प्रभारी मुख्य कार्यकारी अधिकारी राहुल जाधव यांनी दिली.
श्री.जाधव म्हणाले, रामनवमी उत्सव मोठ्या उत्साही वातावरणात पार पडला असून या उत्सव काळात साईभक्तांकडून श्री साईबाबा संस्थानला विविध माध्यमातून भरभरुन देणगी प्राप्त झाली आहे. यामध्ये दानपेटीतून 1 कोटी 81 लाख 82 हजार 136 रुपये, देणगी काउंटरव्दारे 76 लाख 18 हजार 143, डेबीट क्रेडीट कार्ड, ऑनलाईन देणगी, चेक/डिडी, मनी ऑडर आदींव्दारे 1 कोटी 41 लाख 52 हजार 812 रुपये देणगी रक्कम स्वरुपात प्राप्त झालेली आहे. तसेच सोने 171.150 ग्रॅम (रुपये 8 लाख 64 हजार 723) व चांदी 2713 ग्रॅम (रुपये 1 लाख 21 हजार 813) देणगी प्राप्त झालेली आहे. अशाप्रकारे विविध मार्गाने एकुण 4 कोटी 9 लाख 39 हजार 627 रुपये देणगी प्राप्त झाली आहे .
