निर्माल्य व गणेश मूर्ती विसर्जन जाणता राजा येथील मैदानावर करण्याचे आवाहन
संगमनेर । झुंजार न्यूज
कॅन्सर तज्ञ डॉक्टर जयश्री बाळासाहेब थोरात यांच्या मार्गदर्शनाखाली कार्यरत असणाऱ्या एकविरा फाउंडेशन च्या वतीने मागील वर्षीप्रमाणे या ही वर्षी गणेश विसर्जन व निर्माल्य संकलन केले जात असून जाणताराजा मैदान येथे कृत्रिम तलावाची उभारणी करण्यात आली आहे यामध्ये नागरिकांनी गणेश विसर्जन करावे असे आवाहन एकविरा फाउंडेशन ने केले आहे.
एकविरा फाउंडेशनच्या वतीने मागील 4 वर्षापासून गणेश विसर्जन मिरवणुकीमध्ये गणेश मूर्तींचे संकलन करून त्यांचे विसर्जन कृत्रिम तलावात केले जाते. तसेच विविध ठिकाणी निर्माल्य संकलन करून त्याची विल्हेवाट लावली जाते. स्वच्छता व पर्यावरणासाठी काम करणाऱ्या एकविरा फाउंडेशनने सातत्याने आदर्शवत भूमिका घेतली असून यामध्ये डॉ.जयश्रीताई थोरात यांच्या मार्गदर्शनाखाली संगमनेर तालुक्यातील युवतीने केलेले काम हे इतरांसाठी दिशादर्शक ठरले आहे.