डॉ. जयश्रीताई थोरात यांच्या नेतृत्वाखाली गणेश विसर्जनात नागरिकांना मोठी मदत
संगमनेर l झुंजार न्यूज
काँग्रेसच्या राष्ट्रीय वरती कमिटीचे सदस्य तथा उत्कृष्ट संसदपटू आमदार बाळासाहेब थोरात यांच्या मार्गदर्शनाखाली एकविरा फाउंडेशनच्या अध्यक्षा कॅन्सरतज्ञ डॉ.जयश्रीताई थोरात यांच्या नेतृत्वाखाली शहरातील 400 युवक – युवतींनी एकविरा फाउंडेशनच्या माध्यमातून गणेश विसर्जनाच्या दिवशी नागरिकांना विसर्जनात मदत करताना प्रवरानदी काठी निर्माल्य गोळा करुन साफसफाई व गणेश विसर्जनात काम केले.
गणेश उत्सवानिमित्त संगमनेर शहरातील अनेक मानाचे व इतर गणपती, घरगुती गणपती प्रवरा नदीकाठी विसर्जित करण्यासाठी आलेले असतात काँग्रेसचे नेते आमदार बाळासाहेब थोरात, मा.आ. डॉ.सुधीर तांबे, सौ. दुर्गाताई तांबे यांच्या मार्गदर्शनाखाली एकविरा युवक – युवती फाउंडेशनच्या वतीने नदीकाठी साफ सफाई अभियान राबविण्यात आले यावेळी टाटा मेमोरियल हॉस्पिटल मधील ब्लड कॅन्सर विभागाचे प्रमुख प्रा. डॉ. हसमुख जैन यांच्यासह अनेक मान्यवर उपस्थित होते.
गणेश उत्सवातून आनंदाचे व सर्वधर्मसमभावाचे वातावरण -आमदार थोरात
यावर्षी तालुक्यातील व शहरातील नागरिकांनी अतिशय शांततेत व उत्साहात गणेश उत्सव साजरा केला. गणेश उत्सवातून प्रेम सद्भावना मानवता वाढीस लागून सर्वधर्मसमभाव जोपासला जात आहे. स्वच्छता व पर्यावरण पूरक गणेश उत्सव साजरा झाला. असून मानाच्या गणपती सर्व गणपतीची मिरवणुकी गुलाल फटाके यांना फाटा देऊन पर्यावरण जपले जात आहे. मागील 22 वर्षांची ही परंपरा आहे.सर्वांनी एकत्र येऊन बंधू भावाची भावना वाढीस लागावी हा देश व राज्य अधिक समृद्ध व्हावे अशी प्रार्थना काँग्रेस नेते आमदार बाळासाहेब थोरात यांनी केली. तर राज्यातील जनता यावर्षी महायुतीचे सरकार विसर्जित करेल असेही ते म्हणाले . मोठ्या आनंदाने गणेश मंडळांनी विसर्जनाची मिरवणूक काढल्या. यावेळी ढोल ताशाचा गजर व तरुणाईचा जल्लोष यामुळे हा सोहळा अविस्मरणीय ठरला. गणेश विसर्जन व निर्माल्य एकत्र गोळा करुन प्रवरा नदीकाठ स्वच्छ ठेवणे कामी व विविध युवा संघटनांनी यासाठी पुढाकार घेतला हे कौतुकास्पद असून सर्व नागरिकांचे व नगरपालिकेचे कौतुक केले आहे.