🇺🇳 सोमवारी अकोले येथे जन आक्रोश आंदोलन 🇺🇳

अकोले । झुंजार न्यूज

परभणी येथे घडलेल्या घटनेच्या विरोधात सोमवार दि . २३ डिसेबर २०२४ रोजी सकाळी ११ वाजता अकोले शहरात जन आक्रोश आंदोलन करण्यात येणार असून तमाम भिम सैनिक व संविधानाला मानणाऱ्या सर्व जाती धर्माच्या लोकांनी उपस्थित रहावे असे आवाहन आंदोलन समितीने केले आहे .

अकोले तालुक्यातील विश्वरत्न परमपूज्य डॉ बाबासाहेब आंबेडकर यांच्या आशीर्वादाने आज सुखाने खातो तो घास, आणि घेतो तो श्वास या उध्दारकर्त्याची थोडीतरी जान असेल अशा सर्वच तमाम आंबेडकरी चळवळीच्या माझ्या वयोवृद्ध माय बाप,व भिमाचे रक्त ज्याच्या, त्याच्या नसानसात सळसळतय अशा भिमसैनिक युवक युवतींना  विनंती की आपण सर्वच आपल्या जवळ असलेल्या मोबाईल, हाॅटसप, मिडियाच्या साह्याने जगात , देशात,राज्यात काय काय घडामोडी घडतात ते आपण सर्वच जण पाहात आहोत आणि त्याच घडामोडीच्या अनुषंगाने पुढील वाटचाल करीत असतोच हे तिळमात्र सत्य आहे आणि याचाच एक भाग म्हणून आपण सर्वांनीच गेल्या ११ डिसेंबर २०२४ रोजी परभणी या शहरातील आपल्या सर्वांचे प्रेरणास्थान, श्रध्दास्थान, आणि विशेषतः या भारत देशाच्या संविधानाचे शिल्पकार विश्वरत्न परमपूज्य डॉ बाबासाहेब आंबेडकर यांच्या पुर्णाकृती पुतळा व त्यांच्या समोर असे सुशोभित या देशाच्या ‌संविधानाच्या शिल्पाची भरदिवसा तेथील एका जातीयवादी माथेफिरूने तोडफोड केली व त्या निंदनीय घटनेचे पडसाद शहरात वा-यासारखे पसरले आणि तेथील आंबेडकरी समाज बांधवांच्या व संविधान प्रेमींच्या मतात अतिशय चिड निर्माण झाली होती तरी देखील कायदा हातात न घेता तमाम आंबेडकरी समाज बांधवांनी व संविधान प्रेमीं समाज बांधवांनी शांततेच्या मार्गाने झालेल्या घटनेचा निषेध करत व ज्याने कोणी हे कृत्य केले त्याला त्वरित अटक करा या मागणीच्या घोषणा देत प्रशासनाच्या निदर्शनास आणून देत होते ! परंतु याच निषेध आंदोलनाचा काही जातियवादी मनोप्रवृतीच्या व्यक्तींनी फायदा घेत त्याला वेगळे वळण देत जाळपोळ, शासकीय निमशासकीय कार्यालये, खाजगी मालमत्तेचे नुकसान करायला सुरुवात केली आणि आंदोलन पोलीस प्रशासनाने आटोक्यात आणण्यासाठीचे कारण पुढे करत आंबेडकर वसाहत असो की आंबेडकरी समाज बांधवांच्या वस्ती असु सरळ सरळ घराघरात घुसून कोंबीग ऑपरेशन करत जो मिळेल त्याला अमानुष पणे मारहाण केली मालमत्तेचे नुकसान केले यांनी महीला असो की पुरुष असो की लहान लहान मुलं,मुली असो या आंबेडकरी समाज बांधवांना बेदम मारहाण केली हा प्रकार घडत असता आपल्या एका सुशिक्षित युवकाने या घटनेचा आपल्या मोबाईल वर व्हिडिओ केला असता त्याला ही अटक करण्यात आली व त्यालाही इतके बेदम मारहाण केली की तो युवक जेलमध्येच मयत झाला हा सर्व प्रकार माणुसकीला काळींबा फासणारी ही घटना आहे !हे सर्व व्हिडिओ चित्रे सोशल मीडियाच्या माध्यमातून आपल्या सर्वांना समजलं आहे तरी आपण गप्प का बसायचे

मित्रांनो हा प्रकार परभणी येथे जरी घडला असेल तरी ती सर्वच माणसं आपल्या आंबेडकरी चळवळीतील समाज बांधव आहे ते आंबेडकरी विचार परिवाराचे सदस्य आहेत त्यांच्या वर झालेला हा अन्याय म्हणजे आपल्या कुटुंबातील सदस्यांवर झालेला हा अन्याय आहे म्हणून आपल्या सर्वांना विश्वरत्न परमपूज्य डॉ बाबासाहेब आंबेडकरांच्या रक्ताची शपथ आहे

या घटनेचा निषेध करण्यासाठी आपण व आपल्या परिसरातील समाज बांधवांना सोबत घेऊन येत्या सोमवार दि २३ डिसेंबर २०२४ रोजी ठिक ११: वा. अकोले शहरात महात्मा फुले चौक येथे जमायचे आहे व तेथुन शांततेच्या मार्गाने अकोले तहसील कार्यालयावर मोर्चा रुपात या निर्दयी शासनाला जाग आणण्यासाठी निवेदन द्यायचे आहे ! तेव्हा आपण न चुकता न विसरता हजारो घ्या संख्येने आवर्जून उपस्थित रहावे असे आवाहन करण्यात आले आहे .