श्री गजानन महाराज यांच्या आशिर्वादाने व कारखान्यांच्या माध्यमातून राजकारण नव्हे तर पठार माळरानावर नंदनवन करायचे ध्येय : रविंद्र बिरोले

संगमनेर । झुंजार न्यूज

पठार भागाच्या माळरानावर साखर कारखान्याच्या माध्यमातून व्यापारिक दृष्टीने आलो , आना – भाका मारुन मला व माझ्या कुटुबांला राजकारण करायला नव्हे तर ऊस उत्पादकाच्या हिताकरिता . . . एक सर्वसामान्य माणुस म्हणून आलो. कारखाना उभा करताना अनेक अडचणी आल्या मात्र श्री गजानन महाराज यांच्या आशिर्वादाने व परिसरातील लोकांच्या प्रेमाने सर्व संकटे दूर होवून झालेला संघर्ष हा सुवर्ण अक्षराने आठवणीत कोरला जाणार अशी भावना श्री गजानन महाराज शूगर लि .संस्थापक चेअरमन रविंद्र बिरोले यांनी व्यक्त केली .     

संगमनेर तालुक्यातील पठार भागाला वरदान ठरलेल्या कौठे – मलकापूर येथील  श्री गजानन महाराज शुगर लिमिटेड ( भक्तनगर )  या कारखान्याच्या गळीत हगांम 2023 – 24 च्या बॉयलर अग्नी प्रदिपन समारंभा प्रसंगी रविंद्र बिरोले बोलत होते याप्रसंगी संचालिका सौ अश्विनीताई बिरोले , शंतनू बिरोले , नंदन बिरोले , सौ ईशाताई बिरोले , अॅड रामदास शेजूळ , हरिभाऊ गीते , सुभाष कोळसे , केरुबापू मगर , एकनाथ नागरे , जनरल मॅनेजर बी एन पवार , भाऊसाहेब मंडलिक , तानाजी बागुल कोकणे सर , दिलीप पोटे , कैलास डोंगरे , भास्कर गाडे , गुलाब भोसले , गोरक्ष डहाळे , अनिल वाकचौरे , विजय जाधव , फारुकी , रंगन्नाथ जाधव , वरवंडी सोसायटी चेअरमन राजाभाऊ वर्पे आदिसह ऊस उत्पादक , सभासद , वहातुकदार  कर्मचारी मोठ्या संख्येने उपस्थित होते                                                                                   

यावेळी रविंद्र बिरोले पुढे म्हणाले की , नव्या व जुन्या वाहतुकीच्या मेळ बसवून या वर्षी अडचणी जरी असल्या तरी दर वर्षाप्रमाणे या वर्षी ऊस गाळप उचांकी दिसणार आहे  ३० कि मी च्या परिसरातील शेतकऱ्यांची भावना ही आपुलकीची व विश्वासर्हता असावी तुमची व कारखान्याची नाळ ही घट्ट नात्याची असून बॉयलर प्रदिपन दिवशीचं हा आपल्या आपुलकीचा मेळावा समजा भविष्यात अनेक गोष्टी साखर कारखान्याच्या माध्यमातून करावयाचा असून हे माळरान नंदन करणे हे ध्येय आहे तेव्हा ऊस उत्पादकांनी ‘ गरज सरो वैदय मरो ‘ नुसार  वागू नये  स्नेह , आपुलकी व विश्वास ठेवा , स्वार्थ बाळगु नका. दिलेला शब्द पाळणार असून शेतकऱ्यांनी या कारखान्याचा फायदा निश्चित घ्या . तर ही वास्तु आपलीचं समजा !  अभी नही तो कभी नही या शब्दात बिरोले यांनी ऊस उत्पादकासह परिसरातील लोकांना आवाहन केले .       

यावेळी व्यवस्थापक भाऊसाहेब मंडलिक यांनी प्रास्ताविकातून साखर कारखान्याचा लेखाजोखा मांडला तर शंतनू बिरोले म्हणाले की , ऊस उत्पादकांची दिवाळी जोरात करणार असून सर्वानी एकसंघ राहू प्रगती घडवू या ! व आजू- बाजूच्या कारखान्याप्रमाणेचं ऊसाला भाव देणार असल्याचे सांगितले