थोरात आणि तांबेंच्या नेतृत्वाखालील विकासकामे

माजी मंत्री बाळासाहेब थोरात आणि आमदार सत्यजित तांबे यांच्या नेतृत्वाखाली झालेल्या विकास कामांची जंत्रीच या पत्रकार परिषदेत मांडण्यात आली. यामध्ये छत्रपती शिवाजी महाराजांच्या अश्वारूढ पुतळ्यासाठी आमदार सत्यजित तांबे यांचा पाठपुरावा, एमआयडीसीमधील १५५ उद्योगांतून ६५०० जणांना रोजगार आणि विस्तारित एमआयडीसीसाठी सुरू असलेले प्रयत्न यांचा समावेश आहे. तसेच, नाशिक-पुणे रेल्वे संगमनेरमधूनच जावी, यासाठी बाळासाहेब थोरात आणि सत्यजित तांबे यांचा सातत्याने आग्रह सुरू असल्याचेही सांगण्यात आले.

गेल्या आठ महिन्यांत संगमनेर शहरात दहशत वाढली असून, बाजारपेठ ठप्प झाली आहे आणि अस्थिरता वाढली आहे, असा आरोपही करण्यात आला. विकासकामे करण्याऐवजी “चाळीस वर्षांत काय केले?” असा प्रश्न विचारला जात आहे. मात्र, तालुक्याबाहेर गेल्यावर हेच लोक संगमनेरच्या प्रगतीचे गोडवे गातात, असेही ते म्हणाले.