ट्रस्टचे मार्गदर्शक स्वर्गीय सुरेश काका जोशी यांच्या निधनामुळे अध्यक्षपद रिक्त झाले होते. समाजाच्या सर्व सदस्यांच्या सहमतीने या पदाची जबाबदारी आता श्री. राजेश जगदीशजी आसोपा यांच्याकडे सोपवण्यात आली आहे. तसेच, उपाध्यक्षपदी श्री. नितीन नंदलालजी ओझा यांचीही एकमताने निवड करण्यात आली.
मंदिर जीर्णोद्धारासाठी विशेष समिती
संगमनेर येथील हे जगदीश मंदिर अत्यंत पुरातन असून सध्या या मंदिराच्या जीर्णोद्धाराचे काम सुरू आहे. हे काम अधिक गतीने, पारदर्शक आणि नियोजनबद्ध पद्धतीने पूर्ण करण्याच्या उद्देशाने बैठकीत ‘जगदीश मंदिर निर्माण समिती’ची स्थापना करण्यात आली. या नवनियुक्त समितीच्या अध्यक्षपदी श्री. अभिजीत सुरेशचंद्रजी जोशी यांची निवड करण्यात आली आहे. मंदिराचा हा जीर्णोद्धार संकल्प वेळेत आणि भव्य स्वरूपात पूर्ण करण्याचा निर्धार यावेळी सर्व उपस्थितांनी व्यक्त केला.
या महत्त्वपूर्ण बैठकीला ट्रस्टचे खजिनदार श्री. ओंकार तिवारी, सचिव श्री. मनोज साकी यांच्यासह विश्वस्त मंडळाचे सदस्य श्री. सतीश खंडेलवाल, श्री. रवी जोशी, श्री. ओंकार जोशी, श्री. श्यामसुंदर जोशी, श्री. कैलास पंचारिया, श्री. नरेंद्र ओझा आणि श्रीमती राजेश्वरी ओझा उपस्थित होत्या.
