पानोडी l झुंजार न्यूज
संगमनेर तालुक्यातील पानोडी येथील सरदार शिवराव भवानराव थोरात विदयालयात भाऊ – बहिण या प्रेमाच्या नात्याचा असणारा ‘ रक्षाबंधन ‘ व सरदार शिवराव भवानराव थोरात यांच्या पुण्यतिथीचा कार्यक्रम साजरा करण्यात येवून विविध सांस्कृतिक व क्रिडा कार्यक्रम घेण्यात आले .
या कार्यक्रमाच्या अध्यक्षस्थानी फुल विदयापिठाचे माजी प्राध्यापक भवानराव थोरात हे होते . तर स्कुल कमिटी अध्यक्ष विनायकराव थोरात , संरपच गणपत हजारे , उपसंरपच विक्रम थोरात , सोसायटी चेअरमन बबनराव कराड , विठ्ठलराव घोडेकर , तुकाराम पाबळ , आनंदा तळेकर , गफले , मुख्याध्यापक सोनवणे , गणेश जाधव , अशोक भारती , घाडगे आदीसह शिक्षक , पालक व विदयार्थी मोठ्या संख्येने उपस्थित होते .
यावेळी भवानराव थोरात म्हणाले , सरदार थोरातांनी जाती – भेद न करता माणुस न माणुस जोडण्याचे काम केले विदयार्थी हा शिकला पाहिजेल व संघटीत झाला तरचं त्याचा विकास होतो .
विनायकराव थोरात म्हणाले की , सरदार थोरात हे करारी स्वभावाचे होते ध्येय , उदिष्ट ठेवूनचं त्यांनी सामाजिक राजकारण केले . अहमदनगर जिल्हा लोकल बोर्डचे ते पहिले अध्यक्ष राहिले त्यांनी तेव्हा पासून शिक्षण धोरण ठेवून अनेकांना शैक्षणिक प्रवाहात आले आजच्या विदयार्थ्यांनी त्यांच्या विचारांचे अनुकरण केल्यास विदयार्थी निश्चित यशस्वी होईल .
यावेळी रक्षाबंधनाच्या सणानिमित्ताने मुलीनी मुलांना व पाहुण्यांना राख्या बांधत एकोप्याचे प्रतीक दाखविले तर या कार्यक्रमात रस्सीखेच, लिंबू चमचा, व पोते शर्यत यांसारख्या स्पर्धांचे आयोजन करण्यात आले होते, ज्यामध्ये विद्यार्थ्यांनी उत्साहाने सहभाग घेतला. या स्पर्धांमुळे कार्यक्रमात आनंदाचे वातावरण निर्माण झाले.
कार्यक्रमांचे सूत्रसंचालन जी पी जाधव यांनी केले होते