आश्वी । झुंझार न्यूज 

ग्रामीण भागातील विद्यार्थ्यांनी शिक्षणाच्या प्रवाहात मागे राहू नये आणि त्यांना स्पर्धा परीक्षांचे दर्जेदार मार्गदर्शन मिळावे, या उद्देशाने गेल्या १३ वर्षांपासून कार्यरत असलेल्या ‘गिते सायन्स क्लासेस’ (अश्वी खुर्द) वतीने यावर्षीही इयत्ता बारावीच्या विद्यार्थ्यांसाठी ‘MHT-CET क्रॅश कोर्स’चे आयोजन करण्यात आले आहे. हा कोर्स २८ फेब्रुवारी २०२६ पासून सुरू होणार असल्याची माहिती क्लासेसचे संचालक प्रा. अशोक गिते यांनी दिली आहे.

१३ वर्षांची यशस्वी परंपरा

सन २०१३ मध्ये अश्वी सारख्या ग्रामीण भागात शिक्षणाची सोय उपलब्ध करून देण्याच्या हेतूने प्रा. अशोक गिते यांनी या क्लासची स्थापना केली. आज या क्लासला १३ वर्षे पूर्ण झाली असून, इथून शिकून बाहेर पडलेले अनेक विद्यार्थी आज स्वतःच्या पायावर खंबीरपणे उभे आहेत. विशेषतः ग्रामीण भागातील मुलांना CET सारख्या परीक्षांच्या तयारीसाठी शहरांकडे धाव घ्यावी लागू नये, म्हणून गेल्या १२ वर्षांपासून येथे विशेष CET बॅचेस चालवल्या जात आहेत.

अनुभवी शिक्षक आणि दर्जेदार निकाल

गिते सायन्स क्लासेसचे मुख्य वैशिष्ट्य म्हणजे येथील अनुभवी शिक्षक वृंद. प्रा. अशोक गिते यांच्या मार्गदर्शनाखाली प्रा. प्रल्हाद दुर्गुडे आणि प्रा. दीपक क्षत्रिय हे गेल्या १२ वर्षांपासून सातत्याने MHT-CET चे अध्यापन करत आहेत. या अनुभवाचा फायदा विद्यार्थ्यांना निकालातून दिसून येत आहे. मागील वर्षी क्लासची विद्यार्थिनी कु. श्रेया प्रल्हाद दुर्गुडे हिने ९६ पर्सेंटाईल मिळवून पुणे येथील नामांकित MIT कॉलेजमध्ये कॉम्प्युटर इंजिनीअरिंगसाठी प्रवेश मिळवला आहे. तसेच इतर अनेक विद्यार्थ्यांचीही नामांकित महाविद्यालयांमध्ये निवड झाली आहे.

विद्यार्थ्यांसाठी खास सवलती आणि सुविधा

१. मोफत नोट्स: या क्रॅश कोर्ससाठी प्रवेश घेणाऱ्या पहिल्या ५० विद्यार्थ्यांना ११०० रुपये किमतीच्या सर्व विषयांच्या नोट्स मोफत देण्यात येणार आहेत.

२. माफक फी: ग्रामीण भागातील सर्वसामान्य पालकांना परवडेल अशा अत्यंत कमी फीमध्ये हा दर्जेदार कोर्स उपलब्ध करून देण्यात आला आहे.

३. मर्यादित प्रवेश: गुणवत्ता टिकवून ठेवण्यासाठी या क्रॅश कोर्ससाठी केवळ ४५ ते ५० विद्यार्थ्यांची एकच बॅच घेण्यात येणार आहे. ‘प्रथम येणाऱ्यास प्रथम प्राधान्य’ या तत्त्वावर हे प्रवेश दिले जातील.

बारावीची परीक्षा संपल्यानंतर विद्यार्थ्यांच्या करिअरच्या दृष्टीने MHT-CET ही परीक्षा अत्यंत महत्त्वाची असते. त्यामुळे पालकांनी आपल्या पाल्याचा प्रवेश आजच निश्चित करावा, असे आवाहन प्रा. अशोक गिते आणि प्रा. प्रल्हाद दुर्गुडे यांनी केले आहे.

अधिक माहितीसाठी संपर्क

प्रा. गिते सर: ९९२१५८९१९३                          प्रा. दुर्गुडे सर: ९९६०४४९४९९ 

ठिकाण: गिते सायन्स क्लासेस, अश्वी खुर्द.