महाराष्ट्राचे उपमुख्यमंत्री ना देवेंद्र फडणवीस यांना येत्या दि. २८ मे २०२३ रोजी शिर्डी येथे होणाऱ्या रिपब्लिकन पक्षाच्या राज्य महाअधिवेशनास प्रमुख अतिथी म्हणून उपस्थित राहण्याचे निमंत्रण !

या पुर्वी ३ आक्टोबर २०१७ला रिपब्लिकन हिरक महोत्सवी निमित्ताने रिपब्लिकन पक्षाचे महाअधिवेशन शिर्डी मध्ये झाले होते . त्यावेळी तत्कालिन महसूल मंत्री चद्रकांत पाटील , प्रा . राम शिंदे , महादेव जाणकर , सदाभाऊ खोते , हे मंत्री उपस्थित होते . यावेळी अहमदनगर जिल्ह्यातील कार्यकर्त्यानी मोठी मेहनत करुन अधिवेशन यशस्वी केले होते .

२७ मे २०२३ ला पुन्हा रिपब्लिकन पक्षाचे महाअधिवेशन होत असल्याने याकडे लोकांचा कल वेगळा दिसत आहे केंद्रीय मंत्री रामदास आठवले यांचे शिर्डी , अहमदनगर जिल्ह्याशी विशेष ऋणानुबंध असल्याने सर्व नेत्याशी मैत्री पुर्ण संबंध आहे  २०१४ ला रामदास आठवले हे शिर्डी लोकसभा मतदार संघातून कॉग्रेस च्या पाठीब्यावर उभे होते , मात्र तेव्हा मोदी लाट सुरु झाल्याने लोकांचा युतीकडे कल गेला मतदारांनीही वरिष्ठ नेत्याचे ऐेकले नाही . त्यामुळे रामदास आठवले यांना पराभव स्विकारावा लागला . मात्र २०१४ नंतर राजकारणात मोठी उलथा पालथी झाली . चारही दिशेला मोंदीचे वारे वाहू लागले .मुरबी राजकारणी लोकांनी ही आपल्या राजकारणाची गाड्या वाहत्या गंगेत घातल्या व आपले राजकारण सोयीस्कर करुन घेतले . समाज्याचे भवितव्य समोर ठेवत रिडोल्सचा प्रयोग करत कॉग्रेस – राष्ट्रवादीशी फारकत घेत रामदास आठवले यांनी आपली राजकारणाची दिशा बदलली . नरेंद्र मोदीशी सलगी केल्याने एकमेव महाराष्ट्रीन दलित नेता म्हणून रामदास आठवले यांना केंद्रात राज्यमंत्री मिळाले . त्यानंतर मागे वळून न बघता रामदास आठवले यांनी ही मंत्री पदाच्या माध्यमातून समाज्याची कामे मार्गी लावताना दिसत आहे .